दुखां
दोळ्यांत दुखां पोल्यार न्हंयों
जडाय व्हावव्न कशें जियों?
व्हयलीं तारां घेतलीं वोंटार
वोतलीं तुज्या पोल्या मेटार
संतोसाच्यो नातल्यो वोवयो
खंतीन काळजांत रडल्यो बांयों
दोळ्यांत दुखां पोल्यार न्हंयों
जडाय व्हावव्न कशें जियों?
पुरासाणेन आयलोय बागलार
जायां परमळ वोतलो दारार
पुरपुऱ्यांच्यो तोपल्योय सुवियो
बावुन गेल्यो जायो जुयो
दोळ्यांत दुखां पोल्यार न्हंयों
जडाय व्हावव्न कशें जियों?
लगनाक दिल्लें पाळच्याक उतर
पालंव धरलो तुज्याय मात्यार
तकलेंत तुज्या हजार चलयो
आमचे मधें बांदतात वोंयो
दोळ्यांत दुखां पोल्यार न्हंयों
जडाय व्हावव्न कशें जियों?
1986
Subscribe to:
Post Comments (Atom)
No comments:
Post a Comment